Италијанскиот осигурител „Генерали“ во соопштение информираше дека постигнал договор со германскиот „Алианц“ за продавање на „TУA Ассикурациони“. Вкупната цена за трансакцијата е 280 милиони евра во готовина, предмет на одредени прилагодувања во согласност со пазарната практика за овој вид трансакција. .

„Трансакцијата е усогласена со имплементацијата на стратегијата на Групацијата „Lifetime Partner 24: Driving Growth“ во Италија за да се продолжи со профитабилен раст, да се намали комплексноста со цел да се направи нејзината оперативна машина поефикасна и да се зголеми диверзификацијата.“

„TУA Ассикурациони има профитабилно портфолио за осигурување на имот и незгода со вкупни бруто полисирани премии од околу 280 милиони евра во 2022 година, главно управувани преку дистрибутивна мрежа од речиси 500 агенти.“

Трансакцијата е предмет на регулаторни одобренија, кои се очекуваат на почетокот на 2024 година. По завршувањето, уделот на пазарот во Италија на делот имот и незгода на „Алианц“ се очекува да се зголеми за приближно 1 процентен поен, консолидирајќи ја својата позиција како играч број 3 во италијанскиот пазар“, стои во соопштението за печат на „Алианц“.