Надзорниот одбор и раководството на „Сава Ре“ предлагаат на овогодинешните акционери да им се исплати дивиденда од 1,60 евра бруто по акција. Тоа е за 10 центи или 6,7 отсто повеќе од лани. Датумот на собранието се уште не е познат.

Предлогот за дивиденда ја следи политиката за дивиденда, која дефинира исплата во опсег од 35 до 45 отсто од нето добивката од резултатите на групацијата, објави „Сава Ре“ преку веб-страницата на Љубљанската берза. При формулирањето на предлогот за исплата на дивиденда се земени предвид и други околности кои влијаат на финансиската состојба на компанијата, појаснуваат оттаму.

Годинава за исплата на дивиденда ќе се издвојат нешто помалку од 24,8 милиони евра. Според предлогот потврден во средата од Надзорниот одбор на „Сава Ре“, остатокот од билансната добивка, која на 31 декември 2022 година беше 41,8 милиони евра, ќе остане нераспределена.